Светлината на надежта блесна преку Вукашин и Ана – мали херои чии големи срца и несопирлива храброст победија во нивната борба против болеста. Со звукот на ѕвончето на Детската клиника, тие симболично го објавија крајот на оваа тешка, но успешно завршена битка.
На Фејсбук профилот на Бранка Столиќ се појавија емотивни фотографии и видеа снимени вчера (25 декември) на Детската клиника во Скопје. Овие моменти ја доловија радоста и олеснувањето што ги чувствуваа Вукашин и Ана, како и нивните семејства и медицинскиот персонал.
Вукашин, синот на Бранка, заедно со својата блиска пријателка Ана, заѕвонеа на ѕвончето кое е симбол на завршена терапија и победа над ракот.
