Прашањето за евентуални измени на законското решение за недела како неработен ден ќе се разгледува на претстојната седница на Економско-социјалниот совет (ЕСС), најави премиерот Христијан Мицкоски.
Тој истакна дека целта е да се постигне рамнотежа меѓу интересите на работодавачите и работниците, преку отворен и транспарентен дијалог.
„Мое лично убедување е дека треба да се овозможи флексибилност за работа во недела, но само за оние кои ќе постигнат фер договор со своите работодавачи, при што ќе им биде исплатена двојна или тројна дневница. Алтернативно, неделата може да остане целосно неработен ден за сите. Сметаме дека вакви одлуки не смеат да се носат врз основа на двојни стандарди – или ќе важат подеднакво за сите, или нема да се применуваат,“ истакна Мицкоски.
