Од Зоолошката градина соопштија дека нивниот пар пингвини, Џонатан и Лила, станале горди родители на две мали пингвинчиња, кои се испилија на 23-ти и 26-ти ноември.
„Пингвините обично несат најмногу две јајца, но често преживува само едно младенче. Сепак, со голема посветеност и грижа, нашиот тим успешно ги надминува овие природни предизвици. Ова е веќе трета сезона по ред во која имаме новородени пингвини, што е исклучително ретка појава не само во зоолошките градини, туку и во нивното природно живеалиште. Горди сме на овој успех и им посакуваме на нашите мали пингвинчиња да растат здрави и силни“, стои во објавата на Зоолошката градина.
