Патнички авион на азербејџанската авиокомпанија АЗАЛ, кој летал на релацијата Баку – Грозни, се урна на територијата на Казахстан, соопшти АПА. Несреќата се случила во средата наутро, а според извештаите од службата за итни случаи, во авионот се наоѓале 72 лица.
Првичните информации покажуваат дека има преживеани. Министерот за здравство потврди дека шест лица успеале да ја преживеат авионската несреќа во близина на градот Акту.
Причините за падот на авионот сè уште не се официјално утврдени, а тимови за итна помош и спасувачи се на терен, работејќи на евакуација на патниците и обезбедување на локацијата. Локалните власти најавија детална истрага за да се утврди што довело до трагедијата.
