Македонската бодибилдерка Катерина Попева ја заокружи 2024 година со уште еден значаен успех, покажувајќи дека е меѓу најдобрите на светската бодибилдинг сцена.
По веќе освоените два бронзени медали на Светскиот Куп во Санта Сузана, таа од Токио, каде се одржа Светското првенство на IFBB за сениори, се врати со ново признание – третото место и уште еден бронзен медал.
Со ова остварување, Катерина значително го подобри својот минатогодишен резултат на истото првенство, кога го заврши натпреварувањето на седмата позиција.
Напредокот што го постигна во текот на годината сведочи за нејзината посветеност, напорни тренинзи и континуираната работа на усовршување на нејзината форма.
