Во Арачиново, по неколкудневно ископување со багери, откриен е значителен арсенал од експлозиви и оружје, објави „Скопје1“. Акцијата траела повеќе од три дена, а сомнежите дека криминалната група Беланоца-Барон складирала незаконски материјали под земја се покажаа точни.
Во операцијата учествувале и сили на Армијата, а запленетите предмети вклучуваат милионски суми во евра, скапоцен накит, луксузни автомобили, часовници и други вредни артикли. Во моментов се истражуваат сериозни криминални активности, како што се убиства, нарачки за убиства и дистрибуција на дрога.
Според полициските податоци, групата Беланоца-Барон е формирана во 2021 година, кога се случило обединување на неколку криминални организации, што ја зголемило нивната моќ и влијание.
Истражните органи продолжуваат со активностите за расветлување на сите аспекти на криминалните дејствија поврзани со оваа група.
Извор: Скопје1
