Министерството за надворешни работи и надворешна трговија остро ги осудува денешните ракетни напади извршени од руските воени сили врз Киев, кои предизвикаа значителни штети и загрозување на безбедноста на цивилното население.
Во рамките на нападите, погодена е и критичната инфраструктура во Голосеевскиот реон, каде што се наоѓаат неколку дипломатски претставништва, вклучувајќи ја и Амбасадата на Македонија во Киев.
„За среќа, нема повредени меѓу членовите на дипломатскиот персонал, но нападот предизвика материјална штета на амбасадата. Надлежните служби извршија првичен увид на терен и веќе се преземаат активности за санирање на оштетувањата,“ се наведува во соопштението на Министерството.
