Според изјавата на Обвинителството на денешното судско рочиште, четиринаесетгодишната Вања Ѓорчевска била жива во моментот на пукањето, односно не била претходно загушена.
Во неа било пукано од растојание од околу половина метар, од задната страна и малку надесно. Пред убиството, се движела низ каллива површина, а пукањето било извршено додека клечела. Наодите откриле кал под нејзините нокти, како и траги од врвовите на патиките во калта.
Исто така, обдукцијата потврдила дека и Вања и 74-годишниот Панче Жежовски претрпеле значително физичко страдање пред нивната смрт.
