Трамп ѝ се закани на ЕУ со високи царини

Доналд Трамп изјави дека планира да воведе царини за Европската унија доколку не биде намален „огромниот“ трговски дефицит кој, според него, Унијата го има со Соединетите Американски Држави.

„Ја известив Европската унија дека мора да го надоместат својот огромен трговски дефицит со Соединетите Држави преку зголемено купување на нашата нафта и гас. Доколку тоа не се случи, ќе воведам ЦАРИНИ до крај!“ напиша Трамп на платформата „Truth Social“.

Во меѓувреме, Европската унија сè уште не излезе со конкретна стратегија за справување со потенцијалната ескалација на трговските тензии. Ако Трамп навистина се одлучи да воведе царини на увозот на европски производи и услуги, како што најави, тоа би можело да доведе до сериозна трговска војна помеѓу двата големи економски блока, со значителни последици за глобалната економија.