Денеска на улицата Цветан Димов во Чаир се случи оружен грабеж во една од експозитурите на банка, потврдија извори од Министерството за внатрешни работи (МВР), дознава „Плусинфо“.
Според информациите, неколку лица вооружени со огнено оружје влегле во банката и со закани успеале да одземат засега неутврдена сума пари. Благодарение на брзата реакција на полицијата, напаѓачите биле фатени во краток рок.
„Околу 13 часот беше пријавен обид за разбојништво во банка во подрачјето на Бит Пазар. По спроведените мерки, две лица се приведени, а случајот е во фаза на натамошно расчистување“, соопштуваат од МВР.
