Пет месеци по трагичната смрт на младиот диџеј Љупчо Лешко, Судска медицина го потврди конечниот извештај: причината за смртта е струен удар, а станува збор за насилна смрт. Информацијата дополнително ја вознемири јавноста, особено семејството на починатиот, кое бара од институциите да преземат конкретни чекори за покренување кривична постапка.
Сестрата на Љупчо, Стефанија Лешко, ги повика надлежните органи да одговорат на прашањето што ќе следи понатаму, бидејќи, како што тврди, постојат доволно докази за одговорност.
„По скоро пет месеци го добивме извештајот од Судска медицина, кој ги потврди нашите сомнежи – струен удар е причината за смртта на мојот брат. Со сите докази и изјави, сакаме јавно да прашаме институциите: Што следува? Уверени сме дека не се работи за несреќен случај, туку за небрежност, и веруваме дека Јавното обвинителство има доволно основа за покренување кривична постапка против сопствениците на објектот,“ изјави Стефанија за „Скопје1“.
Повеќе за тоа на „Скопје1“.
