Од денеска, повеќе од 800 прехранбени производи се продаваат по цени намалени за најмалку 10 проценти. Оваа мерка опфаќа основни категории како лебот и останатите производи од житарици, свежо и преработено месо, млечни производи, овошје, зеленчук, како и безалкохолни и алкохолни пијалоци.
Списокот на производи со намалени цени ќе важи до 15 јануари, а сите обележани производи во маркетите мора да бидат јасно означени за да се информираат потрошувачите.
Сепак, дел од граѓаните изразуваат разочараност и наведуваат дека и покрај намалувањето, цените на основните производи остануваат висок товар за домашниот буџет.
Пазарниот инспекторат интензивно ги контролира маркетите за да се осигура дека мерката се спроведува правилно. Според надлежните, досегашните проверки потврдиле дека производите со намалени цени се соодветно обележани.
