Градоначалникот на Општина Центар, преку објава на своите официјални профили на социјалните мрежи, упати апел до Министерството за внатрешни работи за брза и ефикасна акција поради зачестените акти на вандализам во населбата Капиштец.
Во својата објава, тој ја изрази загриженоста за безбедноста и јавниот ред во оваа урбана заедница, истакнувајќи дека неодговорното однесување на поединци повторно нанесува штета на јавниот имот и го нарушува квалитетот на животот на граѓаните.
„МВР веднаш да реагира за вандалското однесување во Капиштец! Во моментов повторно вандализам, група малолетни лица кршат шишиња, пукаат петарди и се тепаат. Ова не е првпат! Следува пријава и ги повикувам Министерството за внатрешни работи да поведе истрага“, напиша градоначалникот.
