Во Нови Сад, Србија, неодамна се одржа Меморијалниот турнир во гимнастика „Лаза Крстиќ и Марица Џелатовиќ”, на кој Македонија ја имаше својата претставничка екипа преку гимнастичкиот клуб Партизан Соколи од Прилеп.
Прилепчанецот Дамјан Атанасоски ја имаше привилегијата да го претставува својот град, познат по Марковите Кули. Во исклучително силна конкуренција со учесници од 16 различни држави, Атанасоски успеа да се избори за место во финалето како четврти на ранг-листата. На турнирот учествуваа гимнастичари од земји како Финска, Србија, Словенија, Азербејџан, Казахстан, Јужна Африка, Бугарија, Хрватска и многу други.
Во финалниот натпревар, младиот гимнастичар се пласира меѓу осумте најдобри, што претставува значаен успех за гимнастичкиот спорт во Прилеп.
