Претседателот на Србија, Александар Вучиќ, сподели на својот Инстаграм профил дека изминатата година претставува рекорд во привлекувањето странски инвестиции за земјата. Тој најави дека во наредните денови ќе бидат објавени нови проекти и инвестиции, кои ќе ја потврдат економската стабилност и потенцијалот на Србија за идниот развој.
Во своето обраќање, Вучиќ се осврна и на својот однос кон земјата и народот, нагласувајќи ја својата решеност да остане посветен на Србија. „Не сум како Асад, па да бегам – не сум. Жив сум, цел живот го поминав тука, во Србија, и бескрајно сум ѝ благодарен. Овде ќе останам, ова е местото каде што ќе го завршам својот пат. Ќе продолжам да се борам за Србија и ќе им служам на српскиот народ, како и на сите други граѓани на нашата земја,“ изјави тој.
Претседателот упати силна порака кон оние што се обидуваат да ѝ наштетат на Србија: „Никогаш нема да им служам на странци или на оние што сакаат да ја поразат, понижат и уништат Србија. Ви гарантирам дека Србија никогаш нема да ја победите.“
