Според информации од порталот „24инфо.мк“, вечерва во скопска населба избувнал пожар кој зафатил најмалку четири тешки моторни возила – камиони.
Неофицијалните извори наведуваат дека запалените камиони се во сопственост на реномирана трговска компанија, но засега нема официјална потврда за ова.
Причините за пожарот сè уште не се познати, а истрагата треба да утврди дали станува збор за несреќен случај, техничка неисправност или намерен чин.
Повеќе детали се очекуваат од Министерството за внатрешни работи, кое работи на расветлување на случајот.
