Албин Курти изјави дека „Србија се обидува да создаде некаква верзија на Република Српска“ и истакна дека во Србија има повеќе Албанци отколку Срби на Косово.
Говорејќи за Заедницата на српските општини (ЗСО), Албин Курти рече дека „желбата на Белград е да воспостави контрола врз Србите на Косово, кои би имале свој претседател“, за кој Курти вели дека би бил „мал Додик“, што би довело до нефункционалност на Косово.
„Тоа нема да го дозволиме,“ изјави Курти и додаде дека меѓународната заедница сѐ повеќе сфаќа дека Србија се стреми кон создавање на „верзија на Република Српска“.
Тој дополнително посочи: „Во Србија, од Суботица до Прешево, има повеќе Албанци отколку што има Срби на Косово. Во Црна Гора, исто така, има повеќе Албанци отколку Срби на Косово.“
