Професорката Симона Груевска, од Институтот за македонски јазик „Крсте Мисирков“ во Скопје, се огласи со свој став по повод писмото упатено од албанските интелектуалци до Уставниот суд, во врска со Законот за употребата на јазиците.
Во својата реакција, Груевска ја нагласи важноста на темата, потенцирајќи дека прашањата поврзани со јазичната политика се од суштинско значење за идентитетот, културниот развој и хармонијата во мултиетничкото општество. Таа ја повика јавноста и институциите да пристапат кон ова прашање со почит и сериозност, со цел да се избегнат недоразбирања и дополнителни поделби.
„За Законот за употребата на јазиците
Прво, Македонците во Македонија не се етничка заедница, па Албанците да бидат втора., како што пишале во писмото албанските интелектуалци. Македонците се државотворен народ.
Второ, Охридскиот рамковен договор е целосно имплементиран во Уставот уште во 2001 година. Сѐ што е донесено подоцна, вклучително и Законот за употребата на јазиците („во духот на Охридскиот рамковен договор”), е надвор од него.
Трето, мислењето на Венецијанската комисија, како советодавно тело на Советот на Европа, мора да се почитува, ако сакаме да бидеме европска држава.
Четврто, не може јазик што не го разбираат 75 % од населението во Македонија да биде на исто рамниште со македонскиот. Невозможно е и државните институции ќе се блокираат.
Петто, не може „повредените чувства” на Албанците да бидат поважни и повредни од чувствата на Македонците.
Шесто, албанските интелектуалци треба да се засрамат од писмото што го потпишале, ако се вистински интелектуалци.
Седмо, сигурно им е многу тешко на ДУИ во опозиција, откако во 2001 ја нападнаа сопствената држава како терористи и потоа 23 години удобно си седеа во фотелјите на власт и знаеме што правеа. Сега се закануваат пак со војна, што значи мир во Македонија ќе има само ако терористите се на власт.
Не иде така, другари“, објави професорката.
