Минатонеделните случувања во Јужна Кореја резултираа со апсење на поранешниот министер за одбрана, Ким Јонг-хјун, кој е осомничен за директна вмешаност во иницирањето на прогласувањето на „итна воена состојба“. Според наводите во извештаите, Ким одиграл клучна улога во овој потег, советувајќи го претседателот Џун Сук Јеол да го преземе овој чекор.
Обвинителството на Јужна Кореја покрена обвинение против претседателот Џун Сук Јеол, обвинувајќи го за предавство и злоупотреба на службената положба. Според нив, прогласувањето на „итна воена состојба“ на 3 декември било обид за заобиколување на демократските процеси, при што претседателот ја обвинил опозицијата за блокирање на работата на парламентот и за антидржавни активности.
Ситуацијата предизвика бурни реакции кај јавноста и меѓународната заедница, а под силен притисок од опозицијата и граѓанскиот сектор, претседателот го укина прогласувањето на воената состојба само неколку часа по неговото воведување.
