Во периодот од 15 декември до 15 јануари, потрошувачите ќе можат да купуваат над 600 производи со намалени цени од најмалку 10%. Оваа мерка е дел од иницијативата наречена „Новогодишна кошничка“, насочена кон олеснување на трошоците за граѓаните за време на празниците.
Производите што ќе бидат дел од оваа акција се избрани врз основа на анализа на најчесто купуваните артикли за време на Новогодишните и Божиќните празници. Се работи за иницијатива која произлегла од самите производители, трговци и дистрибутери, без директен притисок од Владата.
Производите со намалена цена од најмалку 10% ќе бидат јасно обележани со посебна ознака, што ќе им овозможи на потрошувачите лесно да ги препознаат и искористат поволностите од оваа акција.
