Фото: Христијан Мицкоски
Вчера се одржа фолкорниот настан во Пустец, „Преспа 2026“ на кој присуствуваше и премиерот на Македонија, Христијан Мицкоски, но по него пристигна реакција од Министерството за Европа и надворешни работи на Албанија.
Од Министерството за Европа и надворешни работи на Албанија реагираат зошто не била изведена и албанската химна на настанот.
„Неизведувањето на албанската државна химна претставува сериозен пропуст и отстапување од пишаните и непишаните правила на учтивост и протокол, кои бараат и наложуваат почитување на националните симболи, покрај оние на заедниците што ги претставуваат“, се вели во реакцијата.
