Државниот просветен инспекторат го заврши извештајот од надзорот во основното училиште „7 Март“ во Челопек, во кој беа констатирани сериозни неправилности.
Според инспекцијата, на приредбата организирана од училиштето учениците биле облечени во воени униформи со амблеми на УЧК и носеле пластични пушки, што според извештајот е неприфатливо и несоодветно за воспитно-образовна установа. Инспекторите заклучија дека ваквиот настан не смеел да се реализира во таа форма, поради што ќе следуваат соодветни мерки.
„Одговорност ќе понесе една од наставничките која беше организатор на приредбата, а за случајот ќе бидат информирани директорот на училиштето и градоначалникот на општината, за да постапат согласно законските одредби,“ изјави Весна Јаневска, министерка за образование и наука.
