Во дворот на семејна куќа во општина Љубешчица, близу хрватскиот град Вараждин, во вторникот биле пронајдени телата на две бебиња, а нивните родители биле уапсени, соопшти полицијата од Вараждин.
Градоначалникот на општината, Ненад Хорватиќ, ја потврди веста за медиумите, изразувајќи шок и загриженост поради трагичниот настан. Тој истакна дека се пронајдени телата на двете бебиња и дека родителите се приведени од страна на полицијата.
„Полициските службеници во Вараждин добија пријава за сомневање за сторено кривично дело повреда на правата на дете на подрачјето на општина Љубешчица. Во тек е кривична истрага против две лица, која се спроведува во соработка со Окружното јавно обвинителство, канцеларија во Вараждин,“ стои во официјалното соопштение од полициската управа.
Foto: Tomislav Kristo/Cropix
