Фото: Принтскрин
Новоизбраниот претседател на САД, Доналд Трамп, упати јасен и категоричен повик за итно ослободување на израелските заложници кои сè уште се наоѓаат во појасот Газа.
Тој најави дека доколку не се преземат чекори за нивно ослободување пред неговата инаугурација на 20 јануари 2025 година, виновниците ќе се соочат со „катастрофални последици“ на Блискиот Исток.
„Оние кои се одговорни ќе бидат погодени посилно од кој било досега…“, порача Трамп преку платформата „Truth Social“. Во истата објава, тој додаде силно нагласена порака со големи букви: „ОСЛОБОДЕТЕ ГИ ЗАЛОЖНИЦИТЕ СЕГА!“
Трамп истакна дека таквиот чин го смета за сериозно кршење на меѓународното право и злосторство против човештвото, предупредувајќи дека сторителите ќе платат „страшна цена“ за своите постапки.
