Фото: ДЗС
Поради силниот ветер и опасноста од негово проширување, раководителот на Главниот штаб за управување со кризи, Стојанче Ангелов, активираше два противпожарни авиони „ер трактор“ на Дирекцијата за заштита и спасување (ДЗС).
На терен интервенираат пожарникарите од ТППЕ Велес со две противпожарни возила и шест припадници. Во гаснењето се вклучени и месното население од Чалошево, како и екипа со цистерна од ЈП „Дервен“.
„Поради ветрот и опасноста пожарот да се прошири, раководителот на Главниот штаб за управување со кризи, Стојанче Ангелов, активираше два авиона „ер трактор“ на Дирекцијата за заштита и спасување (ДЗС). Во моментот, на терен се пожарникарите на Територијалната противпожарна единица (ТППЕ) Велес коишто дејствуваат со две ПП возила и 6 нивни припадници.
По дејството на противпожарните авиони „ер трактор“ на ДЗС, пожарникарите на ТППЕ Велес, месно население од с.Чалошево, а и епипа со цистерна од ЈП ,,Дервен“ врз пожарот во месноста „Дорутовец“ во Велешко, опасноста е намалена, но пожарот е проширен во правец на патот Велес – Штип. Заради чадот што ветрот го носи кон автопатот, од Главниот штаб за управување со кризи е побарана поддршка од МВР за регулирање на сообраќајот согласно потреби. Состојбата се следи од Главниот штаб за управување со кризи, во координација со екипите на терен.
Инаку, во државата има и други пожари, од коишто до 18:00 часот, во ЦУК се регистрирани вкупно 9 пожари на отворен простор, при што aктивни се 4 пожари, под целосна контрола нема, а изгаснати се 5 пoжари“, информираат од ДЗС.
