Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе одлука за корекција на малопродажните цени на нафтените деривати, со што тие ќе се намалат во просек за 0,72% споредено со претходната одлука од 25 ноември 2024 година.
Според најновата анализа, референтните цени на светските пазари покажуваат намалување на горивата: кај бензините пад од 2,985%, дизелот бележи намалување од 3,209%, екстра лесното масло за домаќинство (ЕЛ-1) е поевтино за 2,935%, додека мазутот бележи зголемување од 0,902%.
Исто така, курсот на денарот во однос на американскиот долар во пресметковниот период е зголемен за 0,5679%, што влијаеше на новите цени.
Од 3 декември 2024 година, почнувајќи од 00:01 часот, максималните малопродажни цени на нафтените деривати ќе изнесуваат:
- Моторен бензин ЕУРОСУПЕР БС – 95: 76,00 ден/литар
- Моторен бензин ЕУРОСУПЕР БС – 98: 78,50 ден/литар
- Дизел гориво ЕУРОДИЗЕЛ БС (Д-Е V): 71,00 ден/литар
- Екстра лесно масло за горење (ЕЛ-1): 69,50 ден/литар
- Мазут М-1 НС: 45,258 ден/килограм
Со оваа одлука, малопродажните цени на бензинот ЕУРОСУПЕР БС-95, дизелот и екстра лесното масло за домаќинство се намалуваат за 1,00 денар по литар. Цената на бензинот ЕУРОСУПЕР БС-98 е намалена за 0,50 денари по литар.
