Необичен обид за внесување наркотици во затвор е спречен во Русија, откако затворските службеници откриле мачка што била искористена за шверцување дрога.
Инцидентот се случил на 21 јули во Поправната колонија број 17 во регионот Нижни Новгород. При рутинска контрола, чуварите забележале дека животното носи две импровизирани платнени огрлици, во кои биле сокриени наркотични супстанции.
Надлежните веднаш ја отстраниле и ја конфискувале дрогата, по што мачката била ветеринарно прегледана. Бидејќи не биле утврдени повреди или здравствени проблеми, животното било пуштено.
Властите продолжуваат со истрагата за да утврдат кој стои зад необичниот обид за шверцување во казнено-поправната установа.
Веста ја пренесува Trtbalkanmk.
