Тројца наставници од Општинското основно музичко училиште „Боро Џони“ од Струмица добија високо признание на 7-та Регионална конференција на наставници и директори од просторите на поранешна Југославија, насловена „Светот на образованието ги брише границите“. Конференцијата се одржа од 28 ноември до денес во Велика Горица, Хрватска, и собра повеќе од 200 учесници од регионот.
Наставниците Васко Пиличев, Ана Тимова и Костадинка Ончева беа избрани меѓу најдобрите, со што се вклучија во групата од 21 награден наставник. Овие педагози беа препознаени по својата извонредна работа и иновации во наставниот процес, со што ја афирмираа Македонија на ова меѓународно ниво.
Дополнително, директорката на музичкото училиште, Клара Патарова, беше еден од двајцата наградени директори на конференцијата, нагласувајќи ја успешноста на целокупниот тим на оваа образовна институција.
