Министерката за образование и наука, Весна Јаневска, најави дека утре Државниот просветен инспекторат ќе ја посети основното училиште „7 Март“ во Челопек за да ја испита ситуацијата во врска со организираната училишна приредба, на која учениците биле облечени во униформи со амблеми на неформални воени групации.
Во изјавата за МИА, министерката Јаневска нагласи дека инспекторатот ќе ги истражи можните злоупотреби, како и одговорноста на директорот, наставниците и стручниот тим во училиштето.
„Ќе провериме дали има злоупотреба на деца, дали приредбата е дел од наставниот план и кој го одобрил“, кажа Јаневска.
