Новиот претседател на САД, Доналд Трамп, упати директен повик до земјите-членки на БРИКС, барајќи од нив да се обврзат дека нема да создаваат заедничка валута или да поддржуваат друга странска валута како замена за американскиот долар.
Трамп на својата социјална мрежа јавно предупреди дека, доколку тие држави се обидат да ги реализираат ваквите планови, ќе се соочат со строги трговски санкции, вклучително и увозни царини од 100%.
„Бараме овие земји да дадат гаранции дека нема да создаваат нова валута на БРИКС или да промовираат друга валута за да го замени моќниот американски долар. Во спротивно, ќе се соочат со увозни давачки од 100 проценти“, напиша Трамп на својата социјална платформа.
Претседателот исто така додаде остра порака во својот стил: „Нека бараат други наивни партнери. Нема шанси американскиот долар да биде заменет како основна валута за меѓународна трговија. Секоја земја што ќе се обиде да го направи тоа, ќе мора да се прости од привилегиите на соработка со Америка.“
