Ценовен шок од полноќ: Голем скок на цената на дизелот, а ќе поскапи и бензинот

Горивата одново поскапуваат. Регулаторната комисија за енергетика ги утврди новите највисоки малопродажни цени на нафтените деривати, според кои сите горива бележат зголемување во однос на претходната одлука.

Најголемо поскапување има кај ЕУРОДИЗЕЛ (Д-Е V), чија цена се зголемува за 5,50 денари за литар. Со новата одлука, еден литар дизел ќе чини 88,00 денари.

Поскапуваат и бензините. Цената на ЕУРОСУПЕР БС-95 се зголемува за 1,50 денар за литар, па новата малопродажна цена ќе изнесува 87,00 денари за литар.

Кај ЕУРОСУПЕР БС-98 исто така има зголемување од 1,50 денар, со што литар од овој бензин ќе се продава по цена од 89,00 денари.

Поскапува и Екстра лесното масло за домаќинство (ЕЛ-1). Неговата цена се зголемува за 4,50 денари за литар, па новата цена ќе изнесува 86,00 денари за литар.