Македонската пејачка Каролина Гочева моментално е на турнеја низ Германија, каде што ќе одржи серија концерти во неколку големи градови.
На програмата се локации како Штутгарт, Нирнберг, Дизелдорф, Мајнц, Хамбург и Берлин, каде што Каролина ќе настапи со својот бенд со 120-минутни „Best of“ концерти. Оваа турнеја е совршена можност за нејзините фанови да уживаат во нејзините најголеми хитови и емоционални изведби.
Концертите се закажани од 23 ноември до 16 декември, а билетите се продаваат по цени од 39 евра во претпродажба и 49 евра на денот на настанот.
Каролина на последниот настап во Дизелдорф го развеа македонското знаме и ја воодушеви публиката која претходно уживаше во нејзините хитови.
Во продолжение може да погледнете и дел од нејзиниот настап во Нирнберг, каде што ја изведе емотивната песна „Не се враќаш“.
