Македонската полиција реагираше по вчерашните инциденти за време на прославата на Денот на албанското знаме, кога беше уништено македонското знаме.
На прес-конференција, министерот за внатрешни работи, Панче Тошковски, информираше за преземените активности и статусот на истрагата.
„Досега се уапсени осум лица. Четири од нив се приведени за учество во тепачка, додека останатите четири се уапсени врз основа на основано сомнение за прекршување на член 319 од Кривичниот законик, кој се однесува на предизвикување расна и верска омраза. За ова дело е предвидена казна затвор до една година. Меѓу уапсените, еден е малолетник, а тројца се млади лица на возраст од 18 до 21 година. Приведените ќе бидат изведени пред суд во најкус можен рок,“ изјави министерот Тошковски.
