Фото: Принтскрин
Премиерот на Македонија, Христијан Мицкоски имаше жестока расправија со лидерот на опозицијата, Венко Филипче.
Филипче на денешната собраниска седница за пратенички прашања му кажа на Мицкоски дека ветувале повисок животен стандард и раст на платите, но граѓаните добиле поскап живот, празни фрижидери и лаги.
Премиерот на овие обвинувања на Филипче одговори и кажа дека резултатите се подобри од тие на неговите претходници.
„Велите дека секој трет човек сака да ја напушти Македонија, но знаете зошто? Затоа што ве гледаат вас во Дубаи како уживате на Хрис Џиновиќ, затоа што гледаат како поранешни функционери уживаат на јахти, а не се во затвор. Признавам дека сум виновен, поминаа две години, а вие уживате на јахтите во Паљури“, кажа Мицкоски.
