Фото: Владимир Македон Димитровски
Талентираниот Македон Димитровски, кој има само 11 години, постигнал неверојатен резултат на американскиот САТ-тест – 1.440 поени, при што освоил 740 поени по математика и 700 по англиски јазик.
„Со голема гордост споделуваме дека Македон постигна извонреден резултат на SAT тестот што е приемен испит за на сите престижни универзитети На свои 11 години доби 1440 поени што е 95% подобро од сите тестирани ученици на 18 години , со што уште еднаш го потврди својот исклучителен потенцијал,а е во топ 3 вкупно ученици од целиот свет што добил ваков резултат на 11 години а ова го достигна со посветеност и љубов кон знаењето. Овој успех е резултат на континуирана работа, дисциплина и силна поддршка во процесот на подготовка.
Посебна и искрена благодарност упатуваме до менторот Горан Милошовски, чија стручност, посветеност и насоки имаа клучна улога во постигнувањето на овој резултат. Секако и тимот на интернационалното училиште Нова Скопје Со овој успех се отвораат вратите кон најпрестижните универзитети во светот и се поставува цврста основа за понатамошен академски развој. Ова е само почеток на уште поголеми достигнувања што допрва следат“, објави неговиот татко Владимир Димитровски.
