Жителите од третата зона во населбата Припор денес, со почеток од 9:30 часот, ќе се соочат со прекин во водоснабдувањето поради уличен дефект на цевка со пречник од 100 мм на улицата „Христо Татарчев“, крак 37/бб, во близина на резервоарот во општина Кисела Вода.
Јавното претпријатие „Водовод и канализација“ – Скопје информира дека водоснабдувањето ќе биде прекинато сѐ до отстранувањето на дефектот.
Покрај ова, од 10:00 часот денеска без вода ќе останат и неколку објекти во непосредна близина на маркетот „Зур“ во населбата Аеродром. Причината е дефект на приклучна цевка со пречник од 2 инчи на улицата „Коста Новаковиќ“.
Од „Водовод и канализација“ – Скопје потврдија дека водоснабдувањето ќе биде нормализирано веднаш по завршувањето на санацијата.
