Тешко насилство, дивеење и правно прекршување! Вчерашниот 28 ноември, кој се одбележува како ден на албанското знаме, беше злоупотребен за демонстрации кои грубо ги газат законите на Република Македонија.
Ова не беше прослава на празник на притоа друга држава, туку отворена демонстрација на сила, која ја загрози безбедноста на граѓаните и предизвика осуда од јавноста.
Големи групи на граѓани со албанско етничко потекло без дозвола или претходна јавна најава и против важечките регулативи блокираа улици и го нарушија јавниот ред и мир, додека полицијата беше невидлива. Зошто институциите, кои треба да ги заштитат правата на сите граѓани, молчеа?
Законот за јавен ред и мир јасно ги дефинира последиците за незаконски блокади и користење на симболи кои провоцираат национални тензии како знамињата на учк и голема албанија. Поставување на албанското знаме, без истакнување на македонското, е директно прекршување на Уставот како што беше пример во неколку македонски градови. Министерството за внатрешни работи беше немо на очигледната провокација, па дали ова е случај на системски пропуст или свесно занемарување?
Што прави министерот за внатрешни работи? Дали е тоа неспособност, или намерно избегнување на конфронтација за да се зачува политичката стабилност на власта? Колку долго ќе ги толерираме овие прекршувања кои дополнително ги поларизираат односите помеѓу заедниците? Одговорноста не е само на еден функционер туку на целиот државен апарат кој дозволи вакви сцени и за тоа сега мора да одговара најпрво пред народот.
Граѓаните, посебно Македонците, се сведоци на нееднаквост. Зарем ние сме второстепени во сопствената земја? Дали оваа незаинтересираност за спроведување на законот ќе ја охрабри понатамошната злоупотреба од малцинствата кои наместо да работат за интеграција, намерно предизвикуваат поделби?
Институциите мора итно да одговорат на овие прашања, а граѓаните да бараат одговорност. Без законска рамноправност, државата ризикува да потоне во анархија и недоверба. Дали ќе го дозволиме тоа? Или конечно ќе бараме правда и почит еднаква за сите?
„Ако Македонец го направеше истото?“
Ова прашање најгласно одекнува меѓу граѓаните. Ако еден Македонец користи оружје, пали знаме или блокира улици, ќе биде ли третманот ист? Ќе остане ли полицијата нема? Ова прашање не е само за властите, туку за целата јавност која тивко набљудува.
А се поставува и уште едно прашање: „Ден на знамето или ден на вандализмот?“.
Па затоа ајде да го потсетиме МВР што најмалку треба да направи сега за овој вандализам според законот:
Блокирање на јавен сообраќај
- Член 5 од Законот за прекршоци против јавниот ред и мир:
- Казна: Глоба од 100 до 300 евра за лица кои без дозвола затвораат булевари, патишта или спречуваат слободно движење.
Незаконско истакнување на знамиња
- Член 178 од Кривичниот законик:
- Казна: Глоба или затвор до 1 година за лица кои намерно го нарушуваат јавниот ред преку злоупотреба на симболи кои поттикнуваат национална или етничка нетрпеливост.
Палење на државното знаме
- Член 319 од Кривичниот законик (Нарачување омраза, раздор и нетрпеливост):
- Казна: Затвор од 1 до 5 години за дела што поттикнуваат омраза врз основа на етничка припадност.
Користење нелегално оружје
- Член 396 од Кривичниот законик (Незаконско држење на оружје):
- Казна: Затвор од 3 до 10 години за поседување или користење на автоматско оружје без дозвола.
Опасно возење и дрифтање на јавни патишта
- Член 228 од Законот за безбедност во сообраќајот:
- Казна: Глоба од 300 до 500 евра и одземање на возачката дозвола.
Оштетување на јавна или приватна сопственост
- Член 236 од Кривичниот законик:
- Казна: Затвор до 3 години за намерно уништување на јавни добра, како што се улици, бандери или знаци.
Загрозување на јавниот ред со употреба на оружје
- Член 396-а од Кривичниот законик:
- Казна: Затвор од 6 месеци до 5 години за пукање во јавност без дозвола.
И како заклучок би навеле дека вчерашниот настан покажа не само слабост на институциите, туку и неправда кон македонскиот народ. Законите мора да важат за сите, а институциите мора да бидат чувари на правото. Граѓаните, кои со право се револтирани, заслужуваат одговори и итни мерки.
А власта мора да ја докаже својата лојалност која ја ветуваше кон народот пред само неколку месеци… Или сепак ќе ризикува да ја изгуби довербата, овој пат, засекогаш!
*Забрането превземање на целиот текст, делови од истиот или фотографии без претходна писмена дозвола од „gladiatorvesti.mk“.
Немам зборови… pic.twitter.com/A3bS1WU8KY
— Роберто Навали (@roberto_navali) November 28, 2024
Прегазено македонското знаме pic.twitter.com/THxZzrCyIH
— Роберто Навали (@roberto_navali) November 28, 2024
