Градежните активности за поставување на финалниот слој асфалт на главната траса Страцин – Крива Паланка се очекува да завршат вечерва, информира Коце Трајановски, директор на Јавното претпријатие за државни патишта.
„Интензивирањето на градежните работи, вклучително ноќното асфалтирање и користењето на специјални адитиви за зимски услови, овозможија целата главна траса на експресниот пат да биде асфалтирана во рекорден рок. Овие мерки придонесоа за успешно завршување на клучната фаза од проектот,“ се наведува во објавата на директорот.
Покрај главната траса, се работи со забрзано темпо и на останатите активности, како што се асфалтирањето на пристапните патишта, изградбата на мостови и уредувањето на клучките долж целата траса.
