Во скопска кафеана на подрачјето на Карпош избувнала масовна тепачка, предизвикана од расправија околу тоа кој ќе ја плати сметката. Настанот е регистриран на 26 ноември 2024 година околу 21:45 часот.
Според информациите од Министерството за внатрешни работи, припадници на Единицата за интервентна полиција од СВР Скопје интервенирале и ги привеле М.Н. (34), С.А. (46) и С.С. (54), сите од Скопје, како и Б.Ј. (34) од Крива Паланка. Тие се осомничени дека претходно, околу 19:40 часот, заедно со уште неколку лица, учествувале во физички напад врз В.Р. (45), Ј.Д. (44) и Б.П. (40), кои исто така се од Скопје. Нападот се случил во и пред угостителскиот објект.
Приведените лица се задржани во полициската станица, а по завршувањето на истрагата и целосното документирање на случајот, против нив ќе биде поднесена соодветна кривична пријава.
