Неименуван висок претставник на Хамас изјави дека оваа палестинска екстремистичка организација е подготвена да склучи договор за прекин на огнот во Појасот Газа.
Според извештаите на „Тајмс оф Израел“, оваа изјава доаѓа непосредно по стапувањето во сила на прекин на огнот меѓу Израел и Хезболах во Либан, што беше постигнат рано утрово.
– Ги информиравме посредниците од Египет, Катар и Турција дека Хамас е подготвен за договор за прекин на огнот и за сериозни преговори за размена на затвореници – изјавил претставникот за агенцијата АФП.
