Тринаесетгодишно девојче трагично го загуби животот откако падна од балкон на шестиот кат во станбена зграда во Мостар.
Веста беше потврдена од Људевит Мариќ, портпарол на Министерството за внатрешни работи на Херцеговско-неретванскиот кантон, во изјава за „Аваз“.
Според официјалните информации, инцидентот бил пријавен во полицијата околу 14:30 часот. На местото на настанот веднаш бил извршен увид, кој го водел дежурниот кантонален обвинител од Обвинителството на Херцеговско-неретванскиот кантон.
Полицијата продолжува со истрагата за утврдување на сите околности поврзани со оваа трагедија.
