Весна и нејзиниот шестгодишен син Атанасиј од населбата Шуто Оризари живеат во неизвесност, соочувајќи се со честите поплави кои го оштетиле нивниот дом. Претстојната зима ги принуди Весна да побара помош од сите нас, надевајќи се дека заеднички можеме да ја подобриме нивната ситуација, а нивната приказна ја сподели „Срце на Дланка“.
По детална проценка од страна на градежни експерти, утврдено е дека постојниот дом не е безбеден за реновирање поради трулите темели и ѕидови. Како подобро решение, предложено е да се изгради нов дом со две соби на нова локација.
Весна апелира до хуманите луѓе и организации да помогнат со донација на мало парче земја, со површина од 200 до 300 квадратни метри, во околината на Скопје (како Марино, Мралино, Кадино, Илинден, Волково или слично). Со ваква донација, градежна компанија ќе може да изгради ново засолниште каде таа и нејзиниот син ќе имаат подобри услови за живот.
Ако имате можност да помогнете или знаете некој што може, ве молиме да го отворите срцето и да станете дел од оваа иницијатива која може да донесе нова надеж и безбедност за ова семејство.
Донации на денарска сметка:
Весна Димовска
Комерцијална банка
Целата емисија може да се погледне во продолжение на видеото од „Срце на Дланка“.
