Цените на становите во Скопје драстично се зголемија во изминатите години, правејќи го купувањето стан сè потешко за многумина. Денес, за сума од 100.000 евра, во главниот град може да се купи стан од околу 60 квадратни метри.
За споредба, цените на становите во соседна Грција, особено покрај морето во Солун, се значително поповолни. Таму, стан со иста квадратура од 60 квадрати може да се најде за приближно 70.000 евра, што го прави атрактивна опција за купувачите кои бараат поволни услови и близина до море.
Секако, постојат и други трошоци кои ќе треба да се платат за да станете сопственик на стан кај нашиот јужен сосед, меѓутоа продажната цена на квадрат во моментов делува доста пониска за разлика од главниот град на Македонија.
На социјалните мрежи се појави оглас за стан во Солун од 60 квадрати кој се продава за „само“ 70.000 евра, па корисниците на социјалните мрежи веднаш почнаа да прават споредби со становите во Скопје и истите сметаат дека се „напумпани“ во главниот град.
