Фото: Принтскрин
Градоначалникот на Општина Ѓорче Петров, Александар Стојкоски објави тажна вест на социјалните мрежи.
„Со голема тага и неверување ја примив веста за смртта на мојот близок пријател, долгогодишен соработник и член на Советот на Општина Ѓорче Петров, г-дин Божин Давидовски.
Повеќе од 20 години заедно работевме, споделувавме идеи, борби и визија за подобар живот на нашите сограѓани. Божин беше човек со големо срце, чесен, посветен и секогаш подготвен да помогне. До последен момент се бореше за интересите на жителите на с. Орман и остави траен белег преку бројните инфраструктурни проекти и дела кои ќе останат сведоштво за неговата посветеност.
Ѓорче Петров загуби искрен човек и борец, а јас изгубив пријател.
Изразувам длабоко сочувство до неговото семејство, блиските и сите кои го познаваа“, објави градоначалникот.
