Која е Дара – победничката на 70. Евровизија во Виена? (Видео)

Победата на 70. издание на Евровизија ѝ припадна на Бугарката Дара со песната „Бангаранга“, откако доби најмногу гласови.

Дара, чие име е Дарина Николаева Јотова, има 27 години и доаѓа од Варна, а на публиката ѝ стана позната уште во 2015 година кога се пласира во финалето на бугарската верзија на „Икс Фактор“.

Во текот на кариерата изгради препознатлив стил и хитови, а освен пејачката кариера работеше и како менторка во шоуто „Гласот на Бугарија“.

Песната „Бангаранга“ се истакнува со впечатлив ритам и необична комбинација на музички стилови, а привлече внимание и со нејзиниот настап.