Фото: Кире Михаилов
Кире Михаилов информира дека во текот на вчерашниот ден била запалена депонија во близина на градот Радовиш.
„По брзата реакција на ТППЕ Радовиш, комуналното претпријатие Плаваја и останатите локални институции, пожарот беше локализиран!
После неколку часа, депонијата беше запалена од спротивната страна и тоа во огромна линија која наеднаш отвори огромен фронт.
Пожарот се прошири опасно при што е целосно опожарен и еден булдожер кој се наоѓал на депонијата, а за кој постојат индиции дека е намерно запален.
Во текот на целиот вчерашен и денешен ден активно се гаси пожарот со сите капацитети, но, неговото ставање под контрола ќе биде отежнато затоа што гори пред се пластика и други напластени многу горливи отпадни материјали кои најверојатно ќе можат да се изгаснат само со потрупување и загушување.
Активиран е Кризниот Штаб на општина Радовиш кој ќе заседава денеска каде ќе се донесат одлуки што понатаму и дали ќе се побара помош од владата, од останати институции или соседните општини.
МВР работи на откривање на сторителите на оваа екокатастрофа и се надевам во брзо време истите да бидат извадени пред лицето на правдата и осудени“, објави Михаилов.
