Поранешниот руски претседател го прокоментира новиот, трет „план за отпорност“ на Володимир Зеленски, советувајќи му да го сведе на една точка – „помалку фантазирај и биди поблизу до реалноста.“
Заменик-претседателот на Советот за безбедност на Русија, Дмитриј Медведев, исто така, зборуваше за хиперсоничната балистичка ракета со среден дострел наречена „Орешник,“ потенцирајќи ја нејзината способност да нанесе сериозна и неприфатлива штета на западните престолнини за само неколку минути.
„Атомските засолништа нема да помогнат, а единствената надеж е Русија, која би можела благовремено да ги предупреди,“ истакна Медведев.
Тој додаде дека Европа веќе поставува прашања за тоа каква штета може да предизвика системот „Орешник“ доколку носи нуклеарни боеви глави, дали е можно да се пресретнат ваквите ракети и колку време им е потребно за да стигнат до европските престолнини.
„Одговорот е едноставен – штетата е неприфатлива. Современите одбранбени системи не можат да ги пресретнат, а времето што им е потребно е само неколку минути. Затоа, подобро е да престанете да го поддржувате војната,“ напиша Медведев на својот профил на Телеграм.
