Најчевска: 2001 е акт на терор според правото, време е да се почнат постапки

Професорката Мирјана Најчевска реагираше на барањето на Арбен Таравари да се отстрани таблата во спомен на загинатите кај Вејце.

Таравари се побуни затоа што пишувало „албански терористи“, а Најчевска му даде одговор преку социјалните мрежи.

„Тоа што се случи во 2001 година беше акт на терор според нашиот Кривичен законик и според меѓународното право. Тоа што водачите на терористичката група не беа соодветно процесирани и казнети е заслуга на ДПМНЕ и Груевски. Меѓутоа не е доцна. Овие дела не застаруваат. Сега е време да започнат постапки. Ако зборуваме за владеење на правото“, кажа Најчевска.