Фото: Принтскрин
Пратеникот од Алијансата за Албанците, Халил Снопче побара да се смени таблата пред спомен-обележјето на баталјонот за специјални сили во касарната „Илинден“.
Снопче реагираше на објавата на министерот Владо Мисајловски и бара да се смени таблата затоа што пишувало „албански терористи“.
„На спомен плочата сè уште има реченица која гласи: Паднати во војна против албанските терористи“. Во 2026 година… уште овој јазик? Срамота и неправда. Ова не е само реченица, ова е отворена рана за илјадници семејства. Тоа е порака која на Албанците им кажува дека нивната жртва не е признаена“, објави Снопче.
