Фото: Принтскрин
Градоначалникот на општина Битола, Тони Коњановски одржа прес-конференција и зборуваше за улицата која предизвика бурни реакции во јавноста затоа што покрај неа се наоѓа трансформатор.
Граѓани реагираа на социјалните мрежи дека требало подобро да се проектира улицата затоа што пешачката патека завршувала во трансформатор, но Коњановски даде објаснување.
„Улицата не е пуштена во употреба, изградена е според постоечки план стар 15 години и не може истиот да се промени. Во планската документација која е во сила е понудено решение за овој трансформатор каде што пешачката патека е предвидено да го заобиколи“, кажа Коњановски.
